//
you're reading...
حرية تعبير

رسالة مفتوحة إلى الرأي العام السوري من المعلمات الممنوعات من النقل: ادعاءات وزارة التربية لا أساس لها

دمشق ، الحقيقة ( خاص): تلقت”الحقيقة” اليوم رسالة مفتوحة من المعلمات السوريات اللواتي يعملن في المناطق النائية ( لاسيما منطقة الجزيرة السورية) إلى الرأي العام و وزير التربية في حكومة النظام ، علي سعد، يفندن فيها ادعاءات وزارة التربية  بعدم وجود شواغر في بلداتهن ومناطقهن الأصلية ، لاسيما حمص واللاذقية وطرطوس ، حيث لا يزال أزواجن وأطفالهن يعيشون بعيدا عنهن . وفيما يلي النص الحرفي للرسالة كما وردت إلى “الحقيقة”:
وزير التربية السوري .. هل يكون الدافع لتغيير حكومي ؟
نؤكد نحن المعلمات والمدرسات السوريات الممنوعات من النقل، والمجبرات قسرا على التعليم في مناطق نائية، بعيدا عن أزواجنا، وأطفالنا، لخمس سنوات متتالية، نؤكد أن ما قاله السيد وزير التربية علي سعد عن أن قرار منع المعلمات الذي صدر العام الماضي لا يشمل المعينات قبل هذا التاريخ، نؤكد أن كلامه للأسف غير صحيح، ولايزال يمنع المدرسات والمعلمات المعينات حتى من سنوات طويلة، وخصوصا بنات اللاذقية وطرطوس وحمص.
الوزير قال مجددا إنه لاتوجد شواغر، وأنه المناطق الشرقية والشمالية بحاجة لنا، ونحن نقول هذا كلام غير صحيح ، لأن توفير المدرسات في تلك المناطق من بنات تلك المناطق مسؤوليتكم وليست مسؤوليتنا، وثانيا نسألك ما هو ذنبنا نحن المتزوجات اللواتي لدينا أطفال. وتقول أيضا أنك مضطر لتجاز القضايا الانسانية في سبيل المصلحة العامة، ونحن نسألك أن تفتح تحقيقا في الفتيات اللواتي انتقلن “بواسطات كبيرة” وعبر وزارتك طالما أنك تربط أي حركة واي قرار بخصوص أي مدرس ومدرسة في سوريا بك شخصيا، وهي المركزية التي تحصل للمرة الأولى في تاريخ وزارات التربية السورية. نعم إننا نترحم على زمن الوزير محمود السيد الذي لم يترك معلمة ومدرسة إلا ونقلها وفق القانون ومبدأ لم الشمل ودون أي واسطة دون أن تتأثر العملية التربوية في تلك المناطق، وهذا دليل أخر على عدم صحة كلامك.
نحن المدرسات اللواتي ننظم هذه الحملة فينا فتيات من حمص وادلب، ولكن معظمنا من اللاذقية وطرطوس. ونسألك: لماذا هذا الضغط الكبير على بنات اللاذقية وطرطوس ؟ إن قراراتك يا سيادة الوزير في هذا الوقت الذي يمر به وطننا الغالي من محاولات خارجية للنيل من هدوئه واستقراره، بقيادة السيد الرئيس، تسئ كثيرا لهذا الاستقرار وتدق مسمارا فيه، لأنها قرارات تخرق الوحدة الوطنية والاجتماعية في سوريا. ورغم كل ما ننشره ونكتبه لم تحرك ساكنا ولم ترد علينا إلا بالمزيد من القرارات اليت تؤكد أنك لن ترحم بنات طرطوس واللاذقية.
وصحيح أن السيدة بثينة شعبان لم تتحرك من أجلنا حتى الآن، وكذلك لم تفعل السيدة الأولى أسماء الأسد حتى اليوم، ولكن إننا على ثقة أن تحركا ما وفق معلوماتنا سوف يحصل وربما تكون أنت يا سيادة الوزير السبب في تغيير حكومي قادم لأن السيد الرئيس سيدرك أن هناك من يسئ له في حكومته ويسعى لأذية سمعته بين أبناء شعبه ..
“المعلمات الممنوعات من النقل في سوريا”
Advertisements

مناقشة

One thought on “رسالة مفتوحة إلى الرأي العام السوري من المعلمات الممنوعات من النقل: ادعاءات وزارة التربية لا أساس لها

  1. نحنا منستاهل اللي عم يصير فينا وبعمرنا ماكنا ايد وحدة كل واحد بقول اللهم اسالك نفسي
    ولما بدو يعمل شي بينسى كل الناس وبفكر بمصلحتو عمبدا مية ام تبكي ولا امي تبكي
    المعلمات المتزوجات عم يحكو باسمهم وبس والمعلمة العازبة ستين عمرا لانها مالها اهل ومانها عرض وشرف
    يعني عادي تغتصب او تموت او تتشنشط او تعنس
    واذا حدا ذكر المعلمات العازبات فاكيد بينسى المدرسين الذكور متزوجين او عازبين يلي اصلا عندهم سنتين غربة عسكرية
    وبعدين خدمة خمس سنين على الاقل يعني ايمت المدرس المتزوج رح يشوف مرتو وولادو والعازب ايمت بفكر بالزواج بعد ما يكون انهد حيلو بالسفر
    والشنشطة وضاع العمر عالطرقات
    باختصار من لما بلش تعيين المدرسين والمدرسات خارج محافظاتهم بلشت رحلة البحث عن الواسطة المناسبة اللي خرج تسعى بالنقل
    والد المدرسة او زوجها ببلشو ينكشو عن معارفهم المسؤولين والواصلين بلكي بيحكولهم مع الوزير حتى ينقل المدرسة
    وهيك كل الناس عم تشتغل بها البلد يعني بنتو او مرتو تنتقل والباقي عجهنم
    ماحدا بحاول يسال عن الاسباب او يقترح حلول للموضوع المهم مصلحتو تمشي
    موضوع تعيين المدرسات او المدرسين خارج محافظاتهم غلط من البداية بس كونو الناس بتخاف تحكي وكل واحد بقول لحالو
    خلي غيري يحكي بلاما كون كبش الفدا ولانو نحنا منعتبر الوزير او اي مسؤول كائن متطوربذكاؤو وفهمو للامور وانو او مانو عبقري
    ودماغو اكبر من دماغ عامة الشعب وهالمسؤول مستحيل يغلط وقراراتو ولو انها غير مفهومة او غير مناسبة للواقع اكيد قرارات صحيحة وهوي بعرف شو عم يشتغل
    وعهالاساس ماحدا عندو الشجاعة يوقف امام المسؤول ويقلو وبكل احترام انت عم تغلط ولهيك المسؤول بيضل عم يكبر ويكبر والناس قدامو عم تصغر وماعاد يشوف حدا قدامو لانو صار بطبقة عليا فوق مستوى هم الشعب
    اكيد تعيين البنت او المدام المدرسة خارج المحافظة غلط لانها اذا كانت متزوجة فرح تترك وراها اسرة او مشروع اسرة وتروح مئات الكيلو مترات عمناطق واجواء وبيئات غريبة عنها وتاركة وراها زوج نصف عازب واطفال نصف ايتام
    واذا كانت المدرسة بنت عازبة فهيي لساتها بحاجة لاهتمام وحنان ومتابعة وحماية اهلها بحاجة اخوها وابوها يحموها اذا تعرضت لاي اهانة من اي حدا
    باختصار نحنا مسلمين ومجتمعنا مجتمع محافظ باعتدال وهاد شي لازم نفتخر فيه ونحافظ عليه بس الغريب انو كيف صار الاب يقبل بانو بنتو تنام خارج البيت وبعيدة عن بيتها مئات الكيلو مترات ومو يوم ويومين هي سنوات
    غريب هالاستكانة والخنوع
    حتى الدستور السوري بيعتبر الاسرة هي الخلية الاولى للمجتمع مو متل المجتمعات الغربية اللي بتعتبر الفرد هو الخلية الولى
    بس الظاهر الافلام الميركية ماثرة فينا كتير واللي منشوف فيها الشب او البنت بس صار عمرو 18 سنة بينفصل عن اهلو وبتصير الو حياتو الخاصة
    بنت عمرها 22 او 24 سنة عادي تسافر لحالها لمحافظة تانية وعادي تسكن لحالها وعادي تعيش حياتها بعيدة عن اهلها حتى لو تعرضت لموقف صعب وكانت بحاجة حدا من اهلها يكون معها مرضت او زعلت او حدا دايقها عادي بتدبر راسا
    المهم انو توظفت وارتحنا منها معناتا خلينا نكمل التشبه الاعمى بالغرب والانسياق وراهم اذا كل هاد كان عادي فلا تلوم البنت شو ماعملت وعلى قولتك بتدبر راسا
    ياحيف لها الزمن اللي وصلنالو انو قبل ماتبلش الاحداث الاليمة بسوريا كان عادي غربة البنت او المتزوجة او حتى الشب بس هلا لانو صار الوضع الامني بخوف صرنا عم نطالب بنقل المعلمات والله عيب هالكلام
    بس متل ما قلت بلد كل مين ايدو الو
    انو المدرسة العازبة او المتزوجة تتعين بمحافظتها هاد والله يا ناس من ابسط الحقوق بغض النظر عن الاسباب التافهة اللي صرعونا فيها وزراء التربية انو يعني لازم اطفال المنطقة الشرقية يتعلمو ويرتاحو على حساب مستقبل وامان وراحة ابناء بقية المحافظات
    والله انو ليش عملتو يا سيادة وزراء التربية كليات تربية معلم صف باللاذقية وطرطوس بما انو مافي شواغر بها المحافظات انو ليش ليش عملتو المعلم صف هوي الفرع الوحيد بكل مفاضلة البكالوريا الادبي اللي ملتزم ورفعتو معدل القبول بالمعلم صف لاعلى معدل بالمفاضلة وطبعا
    اللي سجل معلم صف وكانت بكالوريتو ادبي كان اكيد طالعلو كل الفروع التانية يعني كل المتفوقين واللي مجمعين اعلى علامات بالادبي بطرطوس واللاذقية سجلو معلم صف طمعا بالوظيفة والقسم الاكبر ماكان بيعرف انو التعيين رح يصير خارج المحافظات ولما بيتخرجو بتعينوهم بحلب والمناطق الشرقية
    بحجة انو مافي شواغر والمناطق الشرقية بحاجتهم اكتر ليش ما عملتو بجامعات اللاذقية وطرطوس فروع جديدة متل اللي موجودة بجامعة دمشق لغة يابانية تركية روسية فارسية اثار ومتاحف الخ بدل ما تعملو فرع معلم صف
    ومو غريب يكون في الاف الشواغر بحلب والمناطق الشرقية لانو كل 3 بيوت تعتبر ضيعة ولازم لكل ضيعة يكون الها مدرسة يعني ما بصير الطالب يروح عالضيعة اللي حدهم مابصير لازم الاستاذ يجي من الساحل وقطع مئات الكيلو مترات لمدة خمس سنين على الاقل
    مع العلم انو في مئات القرى والضيع في محافظات طرطوس واللاذقية لايوجد فيها مدارس مع العلم انو عدد سكان هالقرى اكتر بكتير من عدد سكان كتير من القرى بحلب والمناطق الشرقية
    والطالب بهالقرى اللي بالساحل عم يضطر يمشي مسافات كبيرة للضيعة اللي فيها مدرسة يعني لو منعمل بالساحل متل ماعملتو بحلب انو كل قرية حتى لو كانت صغيرة منعمل فيها مدرسة بصير في شواغر مو بس للي معينين خارج المحافظات لا كمان بصير بدنا اساتذة من محافظات تانية لحتى تتملى الشواغر
    حاجة حاجة كذب ونفاق اسباب تافهة واستخفاف بهموم واوجاع الناس واحلامهم شي بتقول اللي مو عاجبو يستقيل كانو الوزارة مزرعة اللي خلفك
    وشي بتقولو المعلمات والمعلمين مانهم احسن من الشهداء اللي استشهدو مظبوط ماحدا احسن من الشهداء اللي استشهدو دفاعا عن الوطن يلي انت وامثالك عم تدمروه مع العلم انو تقريبا مافي عائلة من الساحل السوري الا واستشهد منها شهيد
    الناس مانها مضطرة تتحمل اغلاطك واغلاط اللي قبلك واذا انت وزير واضرب واطرح ما عم تلاقي حل لمشكلة بتخص حوالي 30 الف موظف بوزارتك فليش مل بتعترف بفشلك وبتقدم استقالتك مع العلم انو في كتير حلول مناسبة للجميع
    وبترضي الجميع وما بتاثر عمستقبل العملية التربوية يللي خايف عليها ومانك خايف عمستقبل 30 الف مدرس ومدرسة ووراهم مئات الالاف من العائلات والاطفال
    في بحلب والمناطق الشرقية ملايين من الجامعيين والحاصلين على شهادات جامية او معاهد متوسطة او حتى بكلوريا وهم عاطلين عن العمل لانو سيادة وزراء التربية مابدهم غير جامعيين خريجين تربية من الساحل حصرا يعلمو بهالمحافظات
    بينما ابناء المناطق الشرقية العاطلين عن العمل واللي ناطرين فرصة ولو كانت عقد 3 شهور عم يشوفو المدرسين من الساحل عم يجو ويعلمو وياخدو فرصهم مع العلم انو معلمي الساحل عم يتعينو بالارياف النائية وبمدارس بعيدة كل البعد عن اساسيات العملية التربوية
    يعني ابن حلب اللي معو معهد او شهادة جامعية او حتى بكالوريا متل اللي متخرج تربية معلم صف من اللاذقية وطرطوس لا وحتى ابن حلب بيعلم احين لانو مرتاح نفسيا وقريب من اهلو وعيالو بينما ابن الساحل حتى لو كان دكتور بالتربية معلم صف مارح يقدر يعلم متل ابن المنطقة لانو حالتو النفسية رح تكون تحت الصفر بسبب الغربة والشنشطة والهم والغم
    لهيك حاجة كذب وحجج واهية الحلول موجودة وطبعا اللي ذكرتو بعض الحلول ولسا في كتير حلول للي بدو يسمع
    لا متزوجات ولا عازبات ولا شباب الكل لازم يرجع لمحافظتو ويشوف حياتو وحاجة غربة وذل كرمال الوظيفة ولازم تنسو شي اسمو تعيين خارج المحافظة بكفي العسكرية وخدمة العلم
    يعني لازم الكل يخدم عسكرية هيك بدكن
    والغو الكليات يلي مولازمة وافتتحو كليات جديدة بدل منها يعني لما يتخرج الطالب يشوف قدامو وظيفة وشاغر بمحافظتو
    حل جذري مو ترقيع وضرب منيات انو يعني هلا ممكن ننقل المتزوجات والعازات والشباب ماالنا علاقة فيهم ومنرجع لنفس المشكلة
    الموضوع مانو شحادة هاد حق واذا متنك قادر تعطي الناس حقوقها تروك الكرسي لغيرك احسن ما يصير فيك متل ما صار مع اللي قبلك
    وبالنهاية الى كل من يطالب بنقل المعلمات المتزوجات بس مرة بالعمر فكرو بالمشكلة على انها بتخص 30 الف انسان مو بس المتزوجة وام الاولاد كونو مرة بها العمر ايد وحدة
    المخربين على الباطل متظاهرين ومجتمعين وانتم على الحق الحق مختلفين
    لما كل اب اب مابيبعت بنتو
    ولما كل زلمي زلمي ما بيبعت مرتو
    ولما بصير في على الاقل 10000 مدرس ومدرسة معتصمين ومضربين عن الدوام بالمحافظات اللي معينين فيها
    خلي وقتها وزير التربية يفصل او يعاقب 10000مدرس ومدرسة من دون ما يوصل الموضوع لسيادة الرئيس بشار الاسد ووقتها رح يبلش قص الرؤوس عالمظبوط
    حاجة شحادة وترجي بوسائل الاعلام مع احترامي للجميع لانو وسائل الاعلام قسمين القسم الاول وهوي الاقوى مسيح جوخ كان ولا زال للمسؤولين
    والقسم التاني وهوي المغلوب على امرو واللي بيعتبرو المسؤول عدو من الاعداء ومستحيل ولا بشكل من الاشكل يوصل صوت او كلمة هالاعلام للمسؤول
    حاجة شحادة وبلشو بالعتماد على النفس

    Posted by مهتم | سبتمبر 20, 2011, 9:43 م

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: